teu paraRuguh

Ceritana tos mudik lebaran :-)

'naha teu acan hoyong rumah tangga?'
'mana atuh calona?'
'...?'
tiap papendak sareng kulawargi pasti aya bae anu naros teh ...

duh ummi, abi, ema, abah, emang,bibi,ua ... sanes teu acan palay abdi rumah tanggi teh, namun kumaha atuh da dina waktos ayeuna mah abi masih kikiyeuan bae.. apan ari istri teh kedah di nafkahan sanes? tuang na, anggo na, bumi na, komo engke mun tos gaduh putra atanapi putri.. kedah di emutan kapayunan meureun... memang ari rizki mah saurna tiap anu gumelar ka alam dunia tos diberengan ku rizkina masing masing.. namun sigana iman abdi teh masih lemah... sanes rek nyangsikeun atanapi naon cuma masih sok khawatir... sanes ari turunan rizki teh kedah aya cukang lantaranana, teu asal turun ti langit kitu bae.. tah eta nu masih di khawatirkeunteh .. sok inggis ku bisi rempan kusugan ... memang harta mah teu ngajamin kabahagiaan namun harta teh tiasa naonya hilap deui ah duka lieur geuning.

soal istri.. emang ari istri teh seueur . . namun teu sadaya istri anu siap di ajak rumah tangga dina kaayaan balangsak naha saha anu kersa meureun.. sabab ari ayeuna mah jarang aya istri anu kersa di ajak kahiji tujuan ... ari tujuan na nya eta Insya Alloh rumah tanggi anu didadasaran ku eling tur iman ka Gusti anu Maha Suci ... jadi sanes nguwuwungkul padah cinta, padah jegud ku harta, padah geulis.. namun didadasaran ku iman ..

ummi, abi, ema, abah, emang,bibi,ua anyeuna mah nyuhunkeun pi dua na bae tisadayana ... mudah mudahan abdi teh sing dipasihan ka kuatan iman .. sareng di lapangkeun jalan rizki
mudah mudahan sing enggal papendak sareng istri anu satujuan ... anu ridho sareng ikhlas di ajak rumah tanggi ku dadasaran ku Ibadah sareng iman ka Alloh SWT... amin..:)